Lòt jou, pandan m' t'ap tann on zanmi mwen nan on buwo publik, mwen wè on lòt zanmi-m ki t'ap pase nan lot bò lari-a. Mwen te bezwen li pou on bagay byen enpòtan.
Kòm mwen pa te ka soti pou mwen rele li nan moman sa-a (m' te nan 2èm etaj), mwen konpoze nimewo telefòn selilè li. Li gade ekran-an, li san dout wè nimewo ki monte-a. M'ap gade li ki peze on bouton epi se konsa apèl la pa pase.
Mwen menm ki panse se on pwoblèm teknik ki te genyen, mwen eseye on dezyèm fwa. Fwa sa-a, li gade ankò epi li fè on sèl kout san! Li peze on bouton ankò, epi li lage telefòn nan anndan on ti valiz li te gen nan men-l. Pandan tan sa-a, sel opsyon mwen te genyen se kite on mesaj pou li. M' pa kite mesaj la non. M' pa janm sezi konsa.
M' pa konn' pouki sa pase konsa, men mwen pa ka kache di ou nan ki eta mwen te wont.
Sa-w t'ap fè si se te ou?
Subscribe to:
Post Comments (Atom)
9 comments:
Si ou tap gade li pou ki sa ou pa te rele li. Se trop teknoloji kap kale'w.
Prochenn fwa itilize vwa'w
Wolf Pepe
Garry,
Sim te ou, mwen tap decu, men mwen pa tap wont. Se moun sa ki pou wont! Petet ke li te gen on pwoblem, li pat vle pale ak moun. Men, si li wew ensiste relel, li ta au moins mandew saw genyen, epi li ta diw ke li pa sou pale nan moman sa! Men, pa enkyetew! Se konsa nou menm lezom nou ye!
Mwen tap voye mesaj la pou li. mwen tap dil : Sa mwen gen avew, Ki sa mwen fè'w ki pa fè ou plezi ? Fem konnen paske mwen pa konprann ke ou pa janm reponn apel mwen yo et ou pa jam relem back
Michel B
Kiyes ki fe'w travay sa? an tou ka sim te ou mouin tap di moun nan kem te we tout bagay e ke ou pal bal chans pou'l fe'w sa anko. Se pa yon vre zanmi, e si ou te nan problem serye? ....fe moun nan konnen ou o kouran epi bay vag.
VSG
sitiation sa ka ede konnen kiyes ki zanmi-ou. mwen ta renmen sa rive-m a chak swa disan Zanmi-m... lot fwa ou wel moun sa pale ak la fas pou fas pou ou di li ke ou te we epi pou di li sa pap rive anko. epi pa wont pou sa dude, je-w fek louvri souyon bagay ki te kache
M pa konnen,nou tout fe ere,mou'n sa voye yon messag ba wou,men li endirek,li preske diw ke li pa bezwen zanmi sa anko,men fok ou pale avek li pou wou di'l ou te we'l...
poze toujou,wap dekouvri plis ke sa toujou,lezom konsa men'm yo manke ampil kouraj,
rele'l toujou,jistan li men'm li diw li pa bezwen pale avek ou anko...
A.s.j.
pitit si sete mwen m tap tann on ti tan anko anvan jounen an fini m rele li anko si sa rive anko bon pitit swa li gen on propblem ak ou oubyen li pa vle pale ak ou jou sa oubyen tou li ka konnen poukisa ou tap rele li li tou pa pran appel
nan lavi gen tout kalite zanmi tout kalite moun.on dominikain ki rele JUAN li pale kreol byen on jou li dim konsa tout moun gen on ti kochon kache nan yo ........... sa se pou kapab kompran .........
map di sa pou tout moun ki ap gade blog sa ............
savoir vivre di le ou we on moun nan on long distance ou met beswen li anpil ou pa dwe rele li byen fo sa GAM fe a li tres inportant li rele li pito se pa okenn tecnologie se kesyon de edukacion . mezanmi ann nou apran kiltive les bonnes manieres sa ap itil ou.........
Well! La honte c'est une volonté. Mwen te ka choisi poum pa ront paske pat gen moun ki te wè sal fe a. :) Men kom ou konnen nan san pa nou, nou pa konn achte figi moun, moun sa pa tap janm zanmi pam anko. Menm jan li foure telefon lan nan yon ti valiz la se konsa mwen t'ap tou jetel tou mwen fini ak li. Li patap janm genyen-m anko.
Tam
Post a Comment